Коронавирус вазгыяте сәбәпле, термометрия, сәхнәне санитар эшкәртү һәм башка кирәкле чаралар оештырылачак. 13 һәм 14 ноябрьдә Әлмәттә «Нефтьче» мәдәният йортында фестивальнең зона этабы планлаштырылган. Казанда шундый ук бәйге 20 һәм 21 ноябрьдә Идел буе физик культура, спорт һәм туризм академиясенең концертлар залында узачак. Аннары иң яхшылар 27-28 ноябрьдә суперфиналда ачыклана, концерт Идел буе физик культура, спорт һәм туризм академиясендә узачак. Ә 30 ноябрьдә кунаклар “Пирамида” мәдәни-күңел ачу комплексында гала-концертка җыела. Быел фестиваль тарихи әһәмиятле ике бәйрәмгә – ТАССРның 100 еллыгына һәм Бөек Ватан сугышында Җиңүнең 75 еллыгына багышлана.
Все материалы сайта доступны по лицензии: Creative Commons Attribution 4.0 International.