Габдулла Кариев исемендәге Казан татар дәүләт яшь тамашачы театры өчен быелгы театраль сезон зур җиңү белән тәмамлана. Санкт-Петербург шәһәрендә узган 18нче Бөтенроссия Арлекин фестивалендә алар “Хикмәт әкиятләре” спектакле өчен фестиваль дирекциясенең махсус бүләгенә ия булдылар. Актер Эльдар Гатауллин «Иң яхшы ир-ат роле” номинациясендә җиңү яулады. Бүгенге актуаль әңгәмәдә без балалар өчен спектакльләр, аның үзенчәлекләре турында Кариев театры артистлары Алсу Шакирова һәм Эльдар Гатауллин белән әңгәмә корырбыз.