Ульяновск өлкәсенең татар мәдәният үзәгендә төрледән-төрле яңа татар китапларын укучыларга тәкъдим итү кичәләре, Казан язучылары белән кызыклы әдәби очрашулар, һәртөрле китап күргәзмәләре һәрдаим булып тора. Ә менә бу атнада биредә гадәти булмаган чара узды – әле яңа гына Казанда басылып чыккан изге “Коръән тәфсире” китабын семберлеләргә тәкъдим иттеләр. Мәгълүм булганча, быелгы ел Сембер төбәгендә “Китап елы” буларак билгеләп үтелә. Әлеге бәйрәм дә шуның кысаларында узды. Ут күршеләребездә узган изге китап бәйрәменең кайбер мизгелләре үз хәбәрчебез Рамис Сафин репортажында.