Илебез буйлап сибелеп яшәүче милләттәшләребезнең бай тарихын һәм халкының тырышлыгын чагылдырган бик күп зур һәм бай татар авыллары бар. Ульяновскиның Зур Чиреклесе, Түбән Новгородның Сафаҗәе, Мордовиянең Белозерьесы, Самараның Галие, Чувашстанның Шыгырданы… Саный китсәң андый авыллар байтак. Ә бүген сезне безнең хәбәрчебез Рамис Сафин Пенза өлкәсендәге биш меңгә якын кеше яши торган Индерка исемле татар авылына чакыра.