Туган телләр һәм халыклар бердәмлеге елы кысаларында милләттәшләребез яши торган барлык төбәкләрдә дә күпсанлы тематик чаралар уздырыла. Шундыйларның берсе – Татарстан Язучылар берлеге башлангычы белән әзерләнгән “Татар шигърияте көннәре” иҗади экспедициясе.
Төп максат – татарлар күмәкләшеп яши торган төбәкләрдә әдәби күргәзмәләр, очрашулар, кичәләр үткәрү, татар әдәбиятына, мәдәниятенә саллы өлеш керткән шәхесләрне, татар халкының тарихи – мәдәни кыйммәтләрен, рухи мирасын барлау. Әлеге әдәби-тарихи десант дип исемләнгән экспедеция маршрутына Башкортстан республикасы, Оренбург, Ульян, Самара өлкәләре керә.
