Быел 19 октябрьдә бөтен татар дөньясында дүртенче тапкыр татарча диктант язу оештырыла. Милләтен яраткан һәм туган телне белүен камилләштерергә теләгән һәркем татарча диктант язуда катнаша ала. Бу милли чараның үзәгендә кайнау өчен https://www.diktant.tatar интернет сәхифәсендә теркәлергә кирәк. Милли яшәешнең һәм туган телне саклауның шушы ысулы турында журналист Римзил Вәлиев Бөтендөнья татар конгрессының яшьләр комитеты һәм Бөтендөнья татар яшьләре форумы җитәкчесе Ленария Мөслимова белән сөйләшә.