Узган гасырның 90 нчы елларында республикабызда гына түгел, ә Татарстаннан читтә дә дистәләгән исемдә татар телендә газета-журналлар нәшер ителә, радио-телевидениедә тапшырулар чыга башлады. Көндәлек басмалардан беренчеләрдән булып Чувашстанда “Вакыт”, Түбән Новгородта “Туган як”, Ульяновскида “Өмет”, Төмәндә һәм Удмуртиядә “Яңарыш”, Самарада “Бердәмлек” газеталары дөнья күрде… Безнең хәбәрчебез Рамис Сафин шушы көннәрдә генә Түбән Новгород өлкәсендә булып биредә 1990 нчы елдан бирле чыгып килүче “Туган як” газетасының тарихы һәм аның бүгенге эшчәнлеге белән танышып кайтты.