17 майда С.Сәйдәш исемендәге Зур концертлар залында XVII Рәшит Ваһапов фестиваленең гала-концерты булачак.
Яшь башкаручылар конкурсы Рәшит Ваһапов исемендәге фестиваль кысаларында 2007 елдан бирле уздырыла. Максаты – халык җырлары, классик музыка, эстрада һәм инструменталь башкару өлкәсендә яңа талантлар эзләү, аларны зур сәхнәгә чыгару.
Концертта махсус кунаклар – Рүзил Гатин, Илһам Вәлиев, Рафис Хөснетдинов чакырылган. Шулай ук гала-концертта фестивальнең яңа лауреатларын игълан итәчәкләр.
