Бүген Татарстан Республикасы Премьер-министры урынбасары, Бөтендөнья татар конгрессы Милли Шурасы рәисе Васил Шәйхразыев Курган өлкәсе Йолдыз авылы мәктәбе укучыларын, укытучыларын һәм әти-әниләрне Белем көне белән котлады.

Тантаналы бәйрәмнән соң укучылар өчен сыйныф сәгате узды. Аны Милли Шура рәисе үткәрде. Ул укучылар белән тормышның максаты, укучыларның киләчәккә булган планнары һәм хыяллары хакында сөйләште.

Шулай ук алар янгын вакытында халыкның берләшүе, бер-берсенә ярдәм итүе турында да фикер алыштылар.