22 сентябрьдә Ырынбур өлкәсенең Каргалы авылында “Әбиемнең милли ашлары” исемле фестиваль узды. Чара борынгыдан килгән гореф-гадәтләрне хөрмәтләү, милли ризыкларына кызыксыну уяту буларак оештырылган.
Фестивальгә өлкә “Ак калфак” оешмасы хатын-кызлары дә килде. Алар яшь буынга үзләренең аш-суга осталыкларын күрсәтте һәм файдалы киңәшләр белән уртаклашты.
Табын чәк-чәк, кош теле, гөбәдия, тәбикмәк, куллама кебек нигъмәтләр белән тулып торды, дип хәбәр итә “Ак калфак” оешмасы вәкиле.
Альбина Әбсәламова, Ырынбур
