Сабантуй Барнаулның Үзәк районына караган ял паркында узачак. Бәйрәмне төбәк татарлары милли-мәдәни автономиясе һәм “Дулкын” татар мәдәнияте үзәге оештыра.

Концерт программасында “Дуслар” фольклор ансамбле, башка милли оешмаларның үзешчәннәре, Татарстаннан килгән артистлар катнашачаклар. Әлбәттә, Сабантуй ярышлары һәм бәйгеләре оештырылачак, дип хәбәр итә шәһәр мэриясе.