29 июльдән Татарстанда “МОБИЛЬ САЙЛАУЧЫ” механизмы эшли башлый, ул яшәү урыны буенча сайларга мөмкинлек бирә.
Билгеле булганча, Үзәк сайлау комиссиясе 11-13 сентябрьдә сайлаулар уздыруны хуплады. Гражданнар үзләренә уңайлы булган көнне тавыш бирә ала. ТР халкы Татарстан Президентын, муниципалитет депутатларын сайлаячак. РФ Дәүләт Думасына һәм ТР Дәүләт Советына өстәмә сайлаулар шулай ук Түбән Кама һәм Алабуга бермандатлы сайлау округларында узачак.
