Г.Камал исемендәге Татар дәүләт Академия театрында Дамир Сираҗиев премиясе лауреатларын бүләкләү тантанасы узды.
Премияләр тапшыру тантанасын Татарстанның халык артисты Луара Шакирҗанова ачып җибәрде.
Сәламләү сүзләрен Камал театрының баш режиссеры Фәрит Бикчәнтәев җиткерде һәм премия лауреатларын атады:
- РУСЛАН ВАХИТОВ – театр сәнгатендәге казанышлары һәм Туймазы дәүләт Татар драма театры үсешенә зур өлеш керткәне өчен.
- РӘФИКЪ КАЮМОВ – театр сәнгатендәге казанышлары һәм Яр Чаллы дәүләт Татар драма театры үсешенә зур өлеш керткәне өчен.
- АЙДАР ҖАББАРОВ – иҗат дебюты – Г.Камал исемендәге Татар дәүләт Академия театрында «Агыла да болыт агыла…» (Хәсән Туфан, Туфан Миңнуллин) спектаклен куйганы өчен.
