Кайгы уртаклашу

Бөтендөнья татар конгрессы Милли шурасы Финляндиядәге татар җәмгыятенең мөхтәрәм әгъзасы Рафик әфәнде Бәдретдин вафат булу сәбәпле, аның тормыш иптәше – Финляндиянең «Исламият» татар җәмгыяте рәисе, Бөтендөнья татар конгрессының Милли шура әгъзасы Гөлтан ханым Бәдретдиннең авыр кайгысын уртаклаша. Мәрхүмнең балаларына, туганнары һәм якыннарына  сабырлык тели. Рафик әфәнденең урыны оҗмахта булсын. Иннәлилләһи вә иннә иләйһи раҗигун!

Ихтирам белән,
Бөтендөнья татар конгрессы Милли шурасы