8 октябрь көнне Татарстанның Кукмара районының Өлге авылында яшәуче бердәнбер парлы сугыш ветераннары Хатирә апа белән Мобәрәкжан абый Салиховларга 98әр яшь тулды. Юбилей һәм Өлкәннәр көне уңаеннан Бөтендөнья татар конгрессының җирле оешма җитәкчесе Зөмәрә Җиһаншина аларның хәлләрен белеште.

Алар менә дигән итеп яшәп яталар. Хатирә апа Ленинград блокадасында катнашкан кеше дә әле. Безнең өчен үрнәк булып, активлыгын югалтмаган, төрле очрашуларда катнаша.