enrutat
Баш бит / Мәскәүдә — Илһам Шакировның юбилей концерты
Мәскәүдә — Илһам Шакировның юбилей концерты

Мәскәүдә — Илһам Шакировның юбилей концерты

13 март көнне Мәскәүнең Кремль Дәүләт сараенда легендар җырчы, Татарстанның һәм Россиянең халык артисты Илһам Шакировның юбилей концертын уздыру планлаштырыла. “Җырларда тормыш һәм илһам…” дип аталган программа җырчының 80 яшьлек юбилеена багышлана.

Бәйрәм чарасында Салават Фәтхетдинов, Ренат Ибраһимов, Хәния Фәрхи, Альберт Әсәдуллин, Алсу, Зөһрә Шәрифуллина һ.б. бик күп артистлар катнашуы көтелә, дип хәбәр итә “Москва Татарская” сайты .

Искәртеп үтәбез: Илһам ага Шакиров 1935 елның 15 февралендә Сарман районының Яңа Бүләк авылында туган.

1954 елда Казан дәүләт консерваториясенең вокал факультетына укырга кергән. Аны тәмамлаганнан соң, 1960 елдан алып, Г. Тукай исемендәге Татар дәүләт филармониясенең әйдәп баручы солист-вокалисты булып санала.

Илһам Шакиров — Татарстанның һәм Россиянең халык артисты, ТРның Тукай исемендәге Дәүләт бүләгенә лаек булган шәхес. Ул, шулай ук, “Алтын Апполон” бүләгенә дә ия.

«Татар-информ» МА

Безгә Telegram'да язылыгыз.

Фикер калдырырга

Обязательные поля отмечены *

*