12 нче гыйнварда Минск шәһәрендәге “”Чишмә” татар-башкорт мәдәни мирасы” иҗтимагый оешмасы әгъзалары Яңа 2020 елны каршылап, бәйрәм оештырды, дип хәбәр итә оешма җитәкчесе Эльвира Левшевич. “Үткән елга йомгак ясап, алдагы елга яңа максатлар куеп, жырлап, биеп, күңел ачтык,” – ди милләттәшебез. Быел оештырылачак күп кенә чаралар ТАССРның 100, Бөек Җиңүнең 75 еллыгына багышланачагын да ассызыклады.
Белешмә өчен:Татарлар Беларусь Республикасына 1319 елда килеп урнаша башлаган. 2009 елда үткәрелгән халык исәбен алу нәтиҗәләре буенча, биредә 7316 татар яши.
