enrutat
Баш бит / “Мохтаҗны ашат”: Татарстанда Корбан бәйрәме уңаеннан хәйрия акциясе башланды
“Мохтаҗны ашат”: Татарстанда Корбан бәйрәме уңаеннан хәйрия акциясе башланды

“Мохтаҗны ашат”: Татарстанда Корбан бәйрәме уңаеннан хәйрия акциясе башланды

Корбан бәйрәме алдыннан Татарстан Диния нәзарәтенең “Зәкят” хәйрия фонды традицион “Мохтаҗны ашат” акциясен игълан итте. Хәйрия кысаларында һәр теләгән кеше “Зәкят” фондында сарык сатып алып, корбанга чалынган хайванның итен тулысынча ярлыларга, инвалидларга, авыр хәлдә калганнарга һәм ятимнәргә тапшыра ала. “Зәкят” фонды, бөтен мәшәкатьләрне үз өстенә алып, хайваннарны күпләп сатып алу бәясеннән башлап мохтаҗларга таратуга кадәрге эшләрне үзе оештыра.

Шулай ук фондта белгечләргә корбан чалу белән бәйле сораулар биреп, хайваннарны шәригать кануннары белән чалган сатучылар турында мәгълүмат та алырга мөмкин. Белешмәләр өчен телефон: +7 (843) 225-33-22.

Узган елны “Зәкят” хәйрия фонды Корбан бәйрәмендә 1150 мохтаҗга ярдәм итте. Корбанга чалынган ит мохтаҗ һәм күпбалалы гаиләләр, инвалидлар, ятимнәр, ялгыз калган олы кешеләр, шулай ук Татарстан буенча урнашкан хоспислар, интернатлар, мәдрәсәләр һәм хәйрия фондларга таратылды. Шул рәвешле “Зәкят” фонды барлыгы 5,5 тонна Корбан ите тараткан иде.

dumrt.ru

Фикер калдырырга

Обязательные поля отмечены *

*