Быел Төркия татарлары беренче мәртәбә “Татарча диктант” акциясендә катнаша.

Диктант язу чарасы туган телебезне саклау һәм аңа игътибар юнәлтү максаты белән үткәрелә. Аны Анкара, Анталия, Измир, Истанбул һәм Эскишәһир калаларында язачаклар.

Анталиядә “Татарча диктант” “Туган тел” оешмасында һәм Халыкара рус мәктәбендә үткәрелә. Истанбул татарлары да диктантны ике урында – Истанбул университеты һәм Төрек Учаклары иҗтимагый оешмасында язачак.

Рушания Алтай
tatar-inform.tatar