enrutat
Баш бит / Татарстанга бик зур кайгы килде
Татарстанга бик зур кайгы килде

Татарстанга бик зур кайгы килде

Якшәмбе көн кичке сигезенче яртыда Казан аэропортында зур фаҗига булды. «Татарстан» авиакомпаниясенең Мәскәүдән Казанга килүче Боинг 737 очкычы утырган вакытта һәлакаткә дучар булды.

Очкычта булган 44 юлаучы һәм 6 кеше экипаж шартлау вакытында барысы һәлак булды. Күбесе — Татарстан кешеләре. Алар арасында Татарстан Республикасы Президенты Рөстәм Миңнехановның улы Ирек тә булган.

Һәлакатнең сәбәпләрен тикшерү өчен махсус хөкүмәт комиссиясе төзелде.

18 ноябрь — Татарстанда матәм көне дип игълан ителде.

Безгә Telegram'да язылыгыз.

Один комментарий

  1. Prof. Dr. Nadir DEVLET

    QAYGI URTAQLAŞU
    17-nçe Noyebrdǝ Qazan oçqıçlar maydanında Boeing 737-500 tibındagı passajir oçqıçınıᶇ şartlawı arqlı barlıqqa kilgǝn facigǝgǝ bik qatı borçıldıq. Baytaq Tatarstan watandaşı, şul isǝptǝn Prezident Minnexanovnıᶇ bik qimmǝtle hǝm yǝş ulı İrekneᶇ wafat buluwı prezidentnıᶇ üze belǝn hǝm gailǝdǝ zur qaygı-xǝsrǝt tudırgandır. Tabigi şuşı facigǝdǝ tormışların yugaltqannarnın barlı gailǝlǝrendǝ dus, işlǝrende ber ük qaygını tudırgandır. Möselmannarda yazmışqa ışanu bar. Bu ni xǝtle qaygılarnı yuqqa çıgarmasa da bǝlkim yörǝklǝrgǝ beraz tınıçlıq kiterer. İsǝn qalgannarnıᶇ qaygısın urtaqlaşam.

    23 yǝşendǝge ike mǝrtǝbǝ citdi avariǝ uzdırgan ber iske oçqıç belǝn sǝyaxǝt itüneᶇ nindi qurqınıç nǝticǝlǝr tudıra alaçagın aᶇladıq. Lǝkin şuşı oçqıçqa menüçelǝrgǝ mondıy texnik mǝglümǝtlǝr birelmi bit. Xǝzer inde pilotaj yaki texnik hatalar turında söylǝrlǝr. Sabotaj bulu ixtimalı da barmıdır? 23 yıllıq oçqıç xǝtta Boeing tǝ bulsa xǝlǝkǝtkǝ oçrıy ikǝn. Rossiǝ Federatsiǝse dönyada oçqıç avariǝlǝrende öçençe iᶇ naçar urında tora ikǝn.Anıᶇ cawaplıları tabılır mı? Yug isǝ ber meskǝnneᶇ cilkǝsenǝ me awdarırlar? Şul facigǝdǝ rişvǝtçelek, qoda-qodagıylıq rol uynagan mıdır? İmeş ülgǝnnǝrneᶇ yaqınnarını 61 meᶇ dollar kompentsasiǝ tülǝnǝçǝk ikǝn. Şulay matǝmnǝr, kompentsasiǝlǝr kilǝçǝktǝ keşelǝrne mondıy facigǝlǝrdǝn qotqarır mı?

    Prof. Dr. Nadir Dǝülǝt

Фикер калдырырга

Обязательные поля отмечены *

*