2 июньдә Татарстан Республикасының Санкт-Петербург шәһәрендә һәм Ленинград өлкәсендәге даими вәкиле Ренат Вәлиуллин «РосПравоКонсалт» юридик агентлыгы җитәкчесе В.Насыйров белән очрашты.

Бу оешма юридик һәм физик затларга хокукның төрле юнәлешләренә караган күп яклы юридик ярдәм күрсәтә, РФ нең күп төбәкләре белән эшлекле элемтәдә тора.

Сөйләшүләр нәтиҗәсендә «РосПравоКонсалт» Санкт-Петербургта һәм Ленинград өлкәсендә яшәүче татарларга бушлай юридик консультацияләр тәэмин итәчәклеге килешенде.