2 һәм 3 август көннәрендә Төмән шәһәренең “Геолог” стадионында федераль Сабантуе узачак. Әлеге чарага Бөтендөнья татар конгрессы чакыруы буенча төрле төбәкләрдә яшәүче өч йөзгә якын милләттәшебез дә кунак булып барачак.

Бәйрәм чарасы бай эчтәлекле булырга охшап тора. Чөнки беренче көнне шәһәр филармония залында Татарстан сәнгатькәрләре катнашлыгында концерт булыр дип көтелә. 3 августта исә Сабантуйның тантаналы ачылышы, милли уеннар һәм бәйрәм концерты узачак.