Июнь аеның уртасында – 15 көнне Ульяновск каласының ипподромында һәм “Победа” паркында Сабантуй үтәчәк.

Чараның оештыручылары: өлкәнең сәнгать һәм мәдәни сәясәт министрлыгы, шәһәр хакимияте, халык мәдәнияте йорты һәм өлкә татарларының милли-мәдәни автономиясе. Бәйрәмдә авыл хуҗалыгы уңганнарын зурлаячаклар, ярышлар, ат чабышлары, көрәш булачак. Буа һәм Ульянның үзенең үзешчән артистлары бай концерт программасы әзерлиләр.

Шулай ук балалар һәм яшьләр өчен махсус мәйданчыклар эшләячәк.