25 август – шагыйрь Муса Җәлил һәм аның көрәштәшләрен искә алу көне. Татар халкы өчен генә түгел, фашизмга каршы сугышкан һәр халык өчен дә тетрәндергеч, фаҗигале көн – җәлилчеләрнең башы өзелгән көн.
⠀
Башкортстан Республикасыннан чыккан 3 җәлилчене атап үтмичә мөмкин түгел: Галләнур Бохараев (Сәлим Бухаров) – Миякә районы, Кыргыз-Миякә авылы, Гариф Шабаев – Ярмәкәй районы, Иске Турай авылы, Фуат Булатов – Мәләвез шәһәре.
⠀
Башлары гильотина пычагы астына салдырылган бу каһарманнар Ватаныбыз өчен гомерләрен дә кызганмаган гади солдатлар гына түгел, ә халкыбызның асыл затлары, үлемсезлекләрен үлемнәре белән раслый алган һәм шуның белән исемнәре тарихка кереп калган газиз уллары.
⠀
“Балкыш” тапшыруының киләсе (28 август) чыгарылышы җәлилчеләргә багышланган.
Тапшыруны 20.00 сәгатьтә “Туган тел” телеканалында карарга була.
Язманы шулай ук “Представительство ВКТ в РБ” ютуб каналында да таба аласыз.