Татарстан Премьер-министры урынбасары, Милли Шура рәисе Васил Шәйхразыевның Россия төбәкләренә эшлекле сәфәрләре дәвам итә. Бүген ул Калининград өлкәсенә бара.
Калининград шәһәрендә хөрмәтле милләттәшебез, Бөек Ватан сугышы ветераны, Кенигсберг шәһәрен алуда катнашкан Хәким ага Биктеев яши. Ул биредә заманча мөселман җәмгыятенә нигез салучы да. Узган ел ветеранга 95 яшь тулды. 27 нче мартта аның туган көне. Хәким ага бүген дә актив тормыш алып бара, Бөтендөнья татар конгрессы уздырган чараларда актив катнаша.
Милли Шура рәисе Васил Шәйхразыев Калининград өлкәсенә сәфәре барышында Хәким Биктеев белән дә очрашачак.
