24 март көнне Теләче районында Бөтендонья татар конгрессы, “Ак калфак” татар хатын – кызлары оешмасы тарафыннан 6,7,8 яшьлек балалар катнашында “Нәни энҗеләр” бәйгесенең беренче этабы үткәрелде. Чарада районыбызның 14 авылыннан 27 бала катнашты. Балаларның барысы да үз талантларын, тырышлыкларын күрсәтте.Без исә жюри әгъзалары буларак, киләчәктә милләтебез горурлыгы булырдай балар үсеп килүенә куанып утырдык.