28 августта Илдар Ягъфәровның «Исәнмесез!» фильмы беренче тапкыр Казанда күрсәтеләчәк.
Кинорежиссер тамашачысын «Мир» кинотеатрына чакыра. «Фильмнан соң фикер алышырбыз. Әйдәгез, үзебезнең киноларны карый башлыйк инде», — ди ул.
Илдар Ягъфәровның әлеге фильмы — быел Казан халыкара мөселман киносы фестиваленең төп конкурсына кергән бердәнбер Татарстан фильмы.
«Исәнмесез!» фильмының сценарий авторы — Мансур Гыйләҗев. Әлеге сценарий буенча Камал театрында шул исемдәге спектакль куелды. Режиссеры — Фәрит Бикчәнтәев.
Рузилә Мөхәммәтова
