Милли Шура рәисе җитәкләгән делегация Нижневартовск шәһәренең татар җәмәгатьчелеге активы белән очрашты. Очрашуда милли-мәдәни багланышларны яңа үрләргә күтәрү, икеяклы хезмәттәшлекне җәелдерү һәм башка мәсьәләләр буенча сөйләшүләр алып барылды. Нижневартовск шәһәре татарларыннан тыш, очрашуда Хант-Манси — Югра автономияле округының Мегион, Сургут һ.б. шәһәрләренең татар оешмалары җитәкчеләре дә катнашты.

Җыелган журналистларга узачак чаралар турында Бөтендөнья татар конгрессы Башкарма комитеты җитәкчесенең I урынбасары Данис Шакиров һәм Бөтендөнья татар эшмәкәрләренә ярдәм итү ассоциациясе рәисе Фәрит Уразаев сөйләделәр.

2017 елның 29-30 ноябрь көннәрендә Казан шәһәрендә Бөтендөнья татар конгрессының чираттагы киңәйтелгән утырышы узачак. Утырыш эшендә Россия регионнарындагы һәм чит илләрдәге татар иҗтимагый оешмалары җитәкчеләре, җәмәгать эшлеклеләре, Татарстан Республикасы хакимияте вәкилләре катнашуы көтелә.

Бүген Казан Идел буе федераль университетының Идарә, икътисад һәм финанслар институтында “Россия  Федерациясе төбәкләренең  тышкы  элемтәләре. Татарстан  Республикасы  тәҗрибәсе” дип исемләнгән халыкара фәнни-гамәли конференциясе кысаларында  «Чит илләрдә яшәүче ватандашлар белән хезмәттәшлек итү тәҗрибәсе» дип исемләнгән түгәрәк өстәл узды. Җыелышны Татарстан Республикасы Премьер-министры урынбасары, Бөтендөнья татар конгрессының Милли Шура рәисе Васил Шәйхразиев алып барды.

Татарстан Республикасы Фәннәр академиясендә “Россия  Федерациясе төбәкләренең  тышкы  элемтәләре. Татарстан  Республикасы  тәҗрибәсе” дип исемләнгән халыкара фәнни-гамәли конференция башланып китте. Конференция эшчәнлегендә Бөтендөнья татар конгрессы Башкарма комитеты җитәкчесенең I урынбасары Данис Шакиров та катнашты. Ул «Чит илләрдә яшәүче ватандашлар белән эшләүдә Татарстан Республикасы тәҗрибсе” дигән презентациясен тәкъдим итте.

Бүген Чуашстанның Чебоксар шәһәрендә XVIII Федераль Сабантуйга әзерлек эшләре буенча оештыру комитеты җыелышы узды. Киңәшмәдә Бөтендөнья татар конгрессы Башкарма комитеты җитәкчесенең I урынбасары Данис Шакиров катнашты.

Китапның Мәскәүдәге тәкъдим итү кичәсе өстәмә рәвештә ясалган. "Аны алдан тәкъдим иткән идек инде, китап та Россиянең төрле төбәкләренә таралырга өлгерде.

Мин Татарстанда теләсә кем белән сөйләшә алам, чөнки татар телен дә, урыс телен дә беләм. Ә урыс телен генә белсәм, аралашу кыен булыр иде, чөнки чеп-чи татар авылларында әби-бабайлар урысча белмиләр

"Татар кызы - 2017" җиңүчесе таҗына Татарстан Республикасыннан Гөлназ Гатина лаек булды. Шулай ук Гөлназны жюри әгъзалары "Иң нурлы йөзле кыз" номинациясендә дә җиңүче итеп билгеләделәр. 

“Татарстан-Яңа гасыр” телерадиокомпаниясенең “Халкым минем” тапшыруы иҗат төркеме Башкортстан Республикасының Стәрлебаш районында булдылар. Ләйсәнә Садретдинова мөхәррирлегендә төшерелгән чираттагы чыгарылышта тамашачылар әлеге җирлектәге мәчетләр, аның тырыш халкы, шәл бәйләүчеләр тормышын чагылдырган сәхифәләр белән таныша алачаклар. Тапшыруның әлеге чыгарылышы “Татарстан-Яңа Гасыр” һәм “ТНВ-Планета” телеканалларында ноябрь аенда күрсәтеләчәк.