Ульяновск өлкәсенең татар төбәк тарихын өйрәнүчеләр Клубы җирле автономия каршында эшләүче дистәдән артык иҗтимагый оешмаларның берсе. Әлеге төбәкчеләр Клубы үз эшчәнлеген шәһәрдә генә түгел, ә өлкәнең барлык авыл, районнарында да алып бара. Ел дәвамында татар авыллары турында китаплар чыга, танылган шәхесләрнең исемнәре шәһәр урамнарына бирелә, архив, музейларда да зур эш алып барыла… Узган атнада Ульяновскида төбәкне өйрәнүчеләрнең чираттагы сигезенче Форумы узды. Быелгы чарага Татарстаннан, Чувашстаннан, Самара һәм Кемерово өлкәләреннән дә галимнәр һәм тарихчылар чакырулы иде. Анда яңгыраган фикер-тәкъдимнәрне үз хәбәрчебез Рамис Сафин тыңлап кайтты.