5 мартта Барда авылында татар авыллары арасында  хоккей буенча турнир узды. Биредә 12 яшькә кадәрге балалар катнашты.

Җанатарлар, ата-аналар ярдәме белән уеннар тагын да кызыклырак булды, һәр команда беренче җиңүче булу өчен көрәште.Беренче урынга  «1-Краснояр» ХК лаек булды, икенче урынны «Сараши» ХК командасы, өченче урынны «Төнгүк» ХК алды. Чарада Пермь краеның Барда муниципаль округы администрациясе башлыгы Алапанов Хәлил Газбулла улы һәм Бөтендөнья татар конгрессы вәкиле Вәлиәхмәтов Зөфәр Мөнир улы катнашты.