19 август Балык Бистәсе районында беренче тапкыр «Бистә шәле» исемле хатын-кызлар халык кәсебенең I республика фестивале узачак.
Борынгы заманнардан Балык Бистәсе районы үзенең мамык шәлләре белән дан тота. Капка төбендә үк кунакларны театральләштерелгән тамаша белән каршы алачаклар. Төп майданга алып баручы юл инде үзе бу бәйрәм атмосферасы турында сөйләячәк.
Фото һәм музей зоналары янында истәлеккә һәркем фотосурәт ясый алачак.
«Иң креатив шәл» конкурсында үзе һәм үз эше турында алдан ук белдертеп, теләгән һәркем катнаша ала. Конкурска гадәти булмаган техникада кулдан эшләнгән әйберләр кабул ителә. Катнашучының иҗади карашы хуплана. Ә «Иң тиз бәйләүче» конкурсы фестивальдә катнашучыларга кыска вакыт эчендә әзер шәл бәйләп күрсәтеп, үз осталыгын күрсәтә алачак. Монда, әлбәттә, һәркемнең дә индивидуаль осталыгы алдынгы булачак.
«Шәл бәйлисем килә» мастер-классында шәлнең этаплап барлыкка килүе күрсәтеләчәк. Тәҗрибәле бәйләүчеләрнең зур командасы, киленнәре, оныклары белән бергә, барысын да өйдәге уңайлылык атмосферасына юнәлтәчәк. «Рәсемнәрдә шәл бизәге» сәнгать осталыгы буенча мастер-класс шулай аталачак. «Ак калфак» хатын-кызлар иҗтимагый оешмасында катнашучылар әзер продукцияне тәкъдим итәчәкләр һәм татар халкының милли ризыгы «Бистә кабартмасы»н әзерләү буенча мастер-класс күрсәтәчәкләр.
«Бистә осталары» хатын-кызлар командасы кулдан әзерләнгән продукция тәкъдим итәчәк.
«БалаЧак» балалар өчен халык уен мәйданчыгы. Монда баланы вакытлыча калдырырга мөмкин булачак, анда ул файдалы һәм күңелле вакыт үткәрәчәк. Алай гына да түгел, шулай ук ул халык уеннарын өйрәнә һәм аларда катнаша да алачак.
Төп сәхнәдә театральләштерелгән пролог күрсәтеләчәк. Аның сюжетында шәлләр барлыкка килү тарихы ята. Алга таба сәхнәдә районыбызның сәнгать эшчәнлегендә катнашучылар һәм Татарстан Республикасы кунаклары катнашачак. Ә инде фестивалебезнең кунагы, заманча әйткәндә «хэдлайнер» ‑ Татарстан Республикасының атказанган артисты Сиринә Зәйнетдинова чыгышы да көтелә.
Фестиваль ахырында майдан үзәгенә рекордсмен шәл чыгарылачак. Шулай итеп, без нечкә җептән рекордлы зурлыктагы шәлне ничек бәйләп була икәнен дә күрсәтергә ниятлибез.
Программа:
10:30 – Мөхтәрәм кунакларны каршы алу
11:00-11:30 – Театральләшкән пролог. Мөхтәрәм кунаклар чыгышы
11:30-14:30 – Татарстан Республикасының үзешчән сәнгать осталары чыгышы
11:30 – «БалаЧак» балалар мәйданчыгы эше башлану вакыты
11:30 – Мастер-класслар: «Шәл бәйлисем килә», «Рәсемнәрдә шәл бизәге», «Бистә кабартмасы», «Мамыктан бизәкләр»
11:45 – «Бистә кабартмасы» татар халык ризыгы презентациясе
12:00 – «Мамык киемнән дефиле»
12:30 – «Иң креатив шәл» конкурсы
13:15 – «Иң тиз бәйләүче» конкурсы
13:30 – Татарстан Республикасының атказанган артисты Сиринә Зәйнетдинова чыгышы
14:45 – Рекордсмен шәл презентациясе
Чыганак: mincult.tatarstan.ru
