Бөгелмә ветераннар советы «Татнефть» компаниясеннән “яхшылык энергиясе”социаль инициативалар конкурсында грант отты. Грант акчасына бердәм үрнәктәге мемориаль стендлар ясала. Аларда Бөгелмәлеләр, Бөек Ватан сугышы ветераннары һәм тыл хезмәтчәннәре исемнәре язылган.

Районның 53 беренчел ветераннар оешмасы әгъзалары сугышчылар һәм тыл хезмәтчәннәре исемлеген төгәлләү буенча эш оештырдылар. Эшкә шәһәр һәм авыл мәктәпләре укучылары, студентлар, фронтовикларның туганнары актив кушыла.

Бөгелмә механика заводы территориясендә, шулай ук берничә авыл җирлегендә тантаналы шартларда мемориаль стендлар урнаштырылган. Аларны урнаштыру эше дәвам итәчәк.

Чыганак: bugulma-tatarstan.ru