Урта Әләзән  авылындагы эшлекле сәфәр дәвам итә. Татарстан Республикасы Премьер-министры урынбасары, Бөтендөнья татар конгрессының Милли Шура рәисе Васил Шәйхразыев Урта Әләзән авылындагы Җәмигъ мәчетендә булды.

Урта Әләзән авылы Пенза өлкәсенең Городище районына карый һәм Россиянең иң эре татар авылы булып тора. Биредә 2 меңнән артык йорт хуҗалыгы бар, 9 меңгә якын кеше яши. Авыл халкы үзенең тырышлыгы, юмартлыгы, шулай ук динилеге белән дан тота. Җәмигъ мәчете төзелеш вакытында ук авылның визит карточкасы дип атала башлый.

Авылда барлыгы 12 мәчет бар.