Кичә Бөтендөнья татар конгрессының Спас оешмасында хисап-сайлау җыелышы узды. Чарада Бөтендөнья татар конгрессы Башкарма комитеты җитәкчесе урынбасары – Татарстандагы бүлекчәләр белән эшләү комитеты җитәкчесе Ирек Шәрипов катнашты.

Чара кысаларында Бөтендөнья татар конгрессының Спас оешмасы рәисен сайладылар. Рәис итеп Илнур Сәгыйров сайланды. Ул 2012 елдан бирле “Олимп” балалар-яшүсмерләр спорт мәктәбе директоры булып эшли, Татарстан Республикасының Атказанган физик культура хезмәткәре.