Бүген язучы, Г.Тукай исемендәге дәүләт премиясе лауреаты Әхмәт Фәйзинең тууына 119 ел.
Әхмәт Әхмәтсафа улы Фәйзуллин 1903 елның 11 мартында Уфа шәһәрендә туган. Башта мәдрәсәдә, аннары Уфаның урыс-татар мәктәбендә һәм революциядән соң татар гимназиясендә белем ала. Урта мәктәпне тәмамлагач, аны Оренбург Шәрык педагогия институтына укырга җибәрәләр. Ләкин 1921-1922 еллардагы ачлык афәте Әхмәткә институтны тәмамларга мөмкинлек бирми: 1922 елның декабрендә ул, укуын ташларга мәҗбүр булып, Урта Азиягә китә һәм 1924 елга кадәр Төрекмәнстан кышлыкларында һәм шәһәрләрендә укытучы, һәвәскәр театр артисты булып эшли. 1924 елда яңадан Уфага кайта, уку-һөнәр мәктәбендә елга якын тәрбияче һәм укыту бүлеге мөдире вазифаларын башкара.
Әхмәт Фәйзи 1958 елның 11 августында вафат була.
