Бүген Чиләбе өлкәсенең Коншак авылында Милли спорт төрләре буенча I “Без татар” Спартакиадасы старт алды. Бирегә инде Татарстан Республикасы һәм Пермь татар җыелма командалары килеп җитте. Ул берничә этапны үз эченә ала. Беренче ике көнне ярышлар узса, 20 август көнне исә финал этаплары көтелә.

Спартакиаданы тантаналы рәвештә ачу һәм ябу да булачак. Ачылу һәм ябылу тантаналары программасында танылган артистларның һәм спортчыларның чыгышлары, шулай ук төбәкләрдән катнашучы җыелма командалар парады көтелә.