2 февраль Чишмабаш авылы клубында “Татар егете- 2023” бәйгесенең беренче сайлап алу туры узды. Сәрдекбаш, Зур Сәрдек, Байлангар, Вахит, Мәмәшир җирлекләреннән килгән асыл егетләр узара көч сынашты. Бәйге сәламләү, иҗади чыгыш, һөнәр күрсәтү, татар әкиятен сәхнәләштерү һәм сорау-җавап этапларыннан торды. 24 февральдә район мәдәният йортында узачак “Татар егете-2023” бәйгесенең финалына Байлангардан Галимҗанов Данис, Вахиттән Габидуллин Рәмис, Мәмәширдән Кадиров Ислам узды. Аларга уңышлар телибез!