2021 елның 13 октябрендә 11: 00 сәгатьтә Екатеринбург шәһәре, “Халыклар дуслыгы” скверында татар шагыйре, Советлар Союзы герое, Ленин премиясе лауреаты Муса Җәлилгә һәйкәл ачу планлаштырыла.

Тантанага Свердловск өлкәсе губернаторы Е.В.Куйвашев, Татарстан Республикасы Премьер-министры урынбасары, Бөтендөнья татар конгрессы Милли Шура рәисе В. Г. Шәйхразыев, Екатеринбург шәһәре мэры А. В. Орлов, Екатеринбург шәһәрендә чит илләрнең генераль консуллары һ. б. чакырулы.

Бюстның авторы – Россия Рәссамнар берлеге әгъзасы, Татарстан Республикасының атказанган сәнгать эшлеклесе, танылган скульптор Винера Абдуллина.