Екатеринбургта узган “Урал кызы-2019” бәйгесендә Миләүшә Шәехова җиңү яулаган. Бу хакта Свердловск өлкәсе Татар конгрессы хәбәр итә.

Әлеге исем өчен өлкәнең 6 туташы ярышкан. Алар жюрины үзләре белән үзенчәлекле итеп таныштырудан тыш, аш-суга, кул эшләренә осталыкларын күрсәткән. Җыр-бию, туган як хакында тирәнтен белемнәрен ачып бирә торган сынаулар да булган.

“Урал кызы” исеменә лаек булган Миләүшә Шәехова Ижевск шәһәрендә үткәреләчәк “Татар кызы” халыкара бәйгесендә Екатеринбург данын яклап чыгыш ясаячак.