Берләшкән Гарәп Әмирлекләрендә террористик оешмалар исемен төзегән вакытта тәрҗемәдә ялгышлык җибәреп әлеге исемлеккә Финляндия татарларының “Исламия” җәмгыятен дә керткәннәр. Шушы җәмгыятнең имам–хатыйбы Рамил Беляев әйткәнчә, бу ялгышлыкны төзәтү өчен илнең чит эшләр министры Эркки Туомиоя  чаралар күрә. Хакимият БГӘ татар җәмгыятен террористик оешмалар исемлегеннән төшереп калдыруны таләп итә. Татар җәмгыятенә элекке елларда Финляндия Президентлары Урхо Кекконен, Тарья Халонен югары бәя биргән иделәр. “Исламия” җәмгыяте татар милли оешмалар арасында иң югары әхлаклы һәм зур тәҗрибә туплаган үрнәк оешма буларак танылган.