Тиздән Гаяз Исхакый иҗатына багышланган isxaki.com сайт ачылачак! Сайтта Исхакыйның әсәрләре, фотосүрәтләре, видеоязмалар, аудиокитаплар һәм күп төрле кызыклы материаллар урын алачак, дип хәбәр итә оештыручыларның берсе булган Наил Нәбиуллин. – Исхакый сайтын булдыру – ул зур һәм мөһим эш.
Аның иҗатын интернетка чыгару бик мөһим. Гуглда эзләп карагыз әле, ничә әсәрен табырсыз икән? Иң күбе 5-6: “Остазбикә”, “Кәҗүл җитек”, “Ул әле өйләнмәгән иде”, “Зөләйха”, “Ике йөз елдан соң инкыйраз”. Гаяз Исхакый сайтында исә, бөтен әсәрләр бер урында тупланачак, – ди Наил Нәбиуллин.
