Татарстанның Чирмешән районына кергән Иске Кади авылында яшәүче ханымнар үзләрендә “Ак калфак” татар хатын-кызлар оешмасына тупланганнар. Эшне оештыру җыелышыннан башлап җибәргәннәр.

Район үзәге Чирмешәннән 25 чакрым ераклыкта урнашкан Иске Кади авылы борынгы һәм билгеле авыллардан санала. Татар фольклорында “Кади бәете” белән билгеле. Бүгенге көндә авылда алты йөзләп хуҗалык бар, дип яза Татар Википедиясе.