Шушы көннәрдә Омск өлкәсенең җирле “Ак калфак” иҗтимагый оешмасы җитәкчесе Фәгыйлә Чумарованың “Милләт” нәшриятында “Себер сүзе” дигән китабы басылып чыкты. Китапның мөхәррире һәм нәшер итүчесе танылган журналист, язучы Фәния Хуҗахмәт.

“Шундый вакытлар да булмады түгел, булды – татарлар үз татарлыгыннан оялып яшәгән чаклар да булды…  Аллаһка шөкер, бүгенге көндә, кай тарафта туып-үскән булуына карамастан – себер татарымы ул, болгармы, керәшенме, мишәрме, нократмы, нугаймы – горурлык белән: «Мин татармын!» – дип әйтә ала. Шундый шәхесләр үз халкын яклап чыкканда, горурланырлык та шул! Мин дә үз оныкларыма бүген әйтәм: «Татар булуың белән горурланып яшә, балам!”, – дип яза Фәгыйлә Чумарова.