Бүген, 11 августта, Татарстан Республикасы Премьер-министры урынбасары, Бөтендөнья татар конгрессының Милли Шура рәисе Васил Шәйхразыев Бурятия Республикасына бара.

12 августта Улан-Удэ шәһәрендә ТР Вице-премьеры Бурятия Республикасы башлыгы Алексей Цыденов белән очрашачак. Моннан тыш, «Байкал-Идел» бию мәктәбендә Бөтендөнья татар конгрессы ярдәмендә Казанда тегелгән татар милли киемнәрен тәкъдир итү планлаштырылган. Көннең икенче яртысында Милли Шура рәисе Бурятиянең Кяхта районы Усть-Кяхта авылына барачак. Биредә «Алмагачлар ата» Татар музей-утарын төзү мәсьәләләре буенча фикер алышу булачак.