Бөтендөнья татар конгрессы “МИН-ТАТАР, чөнки…” конкурсына старт бирә. Ул 15 нче октябрьдән 14 нче ноябрьгә кадәр дәвам итәчәк. Анда 6 яшьтән өлкәнрәк һәркем катнаша ала.

Бәйгедә катнашу өчен “Мин-татар, чөнки…” дигән сүзләрне кабатлап җөмләне дәвам итәргә кирәк. Ул видеога яздырылып инстаграмга #минтатар2021 хештегы белән куела. Видео 1 минуттан артмаска тиеш. Конкурсның таләпләре белән конгресс сайтында куелган нигезләмәдә игътибар белән танышыгыз.

Хөрмәтле милләттәшләр, Бөтендөнья халык санын алу чорында конкурста катнашып үзегезнең активлыгыгызны күрсәтегез. Бергә булыйк, бердәм булыйк!