Татарстанның Мөслим муниципаль районы мәдәният йортының «Мөслим тугайлары» халык фольклор ансамбле 2021 елда үзешчән иҗат коллективларының Бөтенроссия фестиваль-конкурсында җиңүче булды.

2021 елда грантлар алу өчен Россия Федерациясенең 84 төбәгеннән 263 коллектив гариза биргән. Фестиваль лауреатлары «Мәдәният» милли проекты нигезендә үз эшчәнлеген үстерүгә 2 млн. сум күләмендә грант алачаклар һәм 2021 елның декабрендә Мәскәүдә узачак йомгаклау гала-концертта катнашачаклар.

Фестиваль-конкурсны Россия Федерациясе Мәдәният министрлыгы, В.Д. Поленов исемендәге Россия халык иҗаты йорты оештыра.

Фания Лотфуллина