14 октябрьдә Иләк районы Озерки авылында педагог һәм остаз елына багышланган «Укытучылар белән Россия данлана» бәйрәме узды. Чакырылган кунаклар арасында Бөтендөнья татар конгрессы, Татарстан Республикасы мәгариф һәм фән министрлыгы вәкилләре, Оренбур өлкәсе мәгариф һәм фән министрлыгы вәкиле Н.А. Гордеева, хакимият башлыгы урынбасары, мәгариф бүлеге башлыгы бар иде.

Безнең автономия исеменнән Оренбур шәһәре «Туган тел» татар милли-мәдәни мохтәрияте рәистәше Рөстәм Маннанов чыгыш ясады. Автономия чарага бару өчен  автобус биргәнгә күрә, бу бәйрәмгә Әсәкәй, Абдуллин, Матвеевка, Октябрьски районнарыннан, Оренбур шәһәреннән татар теле укытучылары килде. Бәйрәм уңышлы булды дип әйтү – бернәрсә дә әйтмәү. Шатлык, соклану!

Мәктәп директоры Рәмзия Хәлит кызы Галькиева укытучылар, ата-аналар, балалар коллективы белән бергә кешелек, үз авылына, кешеләргә чын мәхәббәт буенча чын мастер-класс үткәрде! Әлегә урыннарда Рәмзия Апа кебек кешеләр булганда, татар телен дә, гореф-гадәтләрне дә, тормышны да, үз халкы белән горурлануны да белерләр дип ышанам!

Өлкә автономиясе рәисе Илдус Ядкарович Дәүләтовка, ярдәмчесе Ринат Ишмөхәммәтовка, бәйрәмне оештыруда ярдәм иткән автономия Советы әгъзаларына, барлык татар теле укытучылары, директорлар исеменнән бирелгән транспорт, укытучыларга бирелгән премияләр өчен, көн-төнгә карамыйча барлык сорауларны чишүегез өчен сезгә зур рәхмәт белдерәбез!

Ризилә Каһарманова.

Матвеевка районы.