2023 елның 13-15 октябрендә “Татарча диктант” бөтендөнья белем тикшерү акциясе уза. Акция бөтен дөньяда яшәүче татарларны берләштерүгә, әдәби татар телен белүгә кызыксынуны арттыруга, орфографик һәм грамматик хаталарны тикшерүгә, татар теленә мәхәббәт тәрбияләүгә юнәлдерелгән. Быел бөтендөнья акциясе сигезенче тапкыр уза.

Буген акциягә Пермь крае татарлары кушылды. Пермь краеның мәктәпләрендә, авыл китапханәләрендә, мәчетләрдә, мәдәният үзәкләрендә татарча диктант яздылар.

“Татарча диктант ” – Татарстан Республикасында, Россиядә һәм чит илләрдә яшәүче татарларны берләштерүгә ярдәм итүче акцияләрнең берсе.