Сургут шәһәре татар активлары ял көнен бергәләп файдалы итеп үткәрәләр.
– Гипстан шамаил. Гаиләдә Коръән сүрәсе язылган рәсем. Ул һәр мөселман кешесенең өендә эленеп тора. Анда ниндидер көч, серлелек бар. Аңа карап дөнья мәшәкатьләрен онытып, күңелдә туган сорауларга җавап табып була. Шамаил җанны тынычландыра, начар гамәлләрдән, начар кешеләрдән саклый,- дип уйлый чарада катнашучы.
Үткән якшәмбе ялында Сургут шәһәре татар милли мәдәни мохтарияте активлары Коръән сүрәләрен тыңлый-тыңлый шамаил ясау серләренә төшенделәр, гипстан ясалган шамаилне матурлап буядылар.
“Рамазан аенда оештырылган бу чараны бик вакытлы, кызыклы, мәгънәле, тәрбияви, кирәкле күренеш дип әйтер идем,”- ди Эльмира ханым Авзалова.
