Бу көннәрдә Свердловск өлкәсендә Татарстан Республикасы көннәре уза. Бәйрәм чараларында Казан шәһәр филармониясе артистлары да катнаша. Артистлар үз чыгышлары белән Екатеринбург, Кызылъяр (Красноуфимск), Михайловск шәһәрләре һәм Әртә шәһәр округы Әҗегол (Азигулово) авылында яшәүче милләттәшләребезне сөендерде.

Бүген исә Татарстан делегациясе Натальинск шәһәренә килде. Тамаша шәһәр мәдәният йортында 19:00 сәгатьтә башлана. Керү ирекле.